Ամուլսարի հարակից համայնքների հազարից ավելի բնակիչներ 2020 հունիսի սկզբին նամակ են հղել ՀՀ վարչապետ Նիկոլ Փաշինյանին և տեղեկացրել, որ Ամուլսարի հանքավայր տանող ճանապարհների շրջափակումից ի վեր շրջակա համայնքների, տարածաշրջանի բնակիչները զրկված են եկամտի աղբյուրից, համայնքները դատարկվում են։
Երկու տարի այս համայնքներում ապարդյուն սպասում են կառավարության միջամտությանը։
Բոլորը գիտեն, որ Լիդիանի գործունեությունը խոչընդոտող խումբը գործում է հակաիրավական և հակաօրինական` լուրջ վնաս պատճառելով մեր պետությանը, զրկելով երկիրը միլիոնավոր դոլարների ներդրումներից ու հարկերից, խախտելով հազարավոր քաղաքացիների աշխատելու օրինական իրավունքը։
Նամակը կառավարությանը փոխանցելուց անցել է մեկ ամսից ավել, սակայն դեռևս ոչ մի արձագանք չենք ստացել: Այնպիսի տպավորություն է, որ մենք՝ այս համայնքների հազարավոր բնակիչներս գոյություն չունենք և ոչ մի օրենքով պաշտպանված չենք, իսկ կառավարությունը նկատում է միայն ճանապարհ փակողների խմբին եւ արդեն երկու տարի բավարարում է նրանց մասնավոր շահերը՝ ոտնահարելով օրենքն ու մեր իրավունքները։
Կորոնավիրուսի հետեւանքով ստեղծված իրավիճակում այս համայնքներում այսօր վերացել են ապրուստի վերջին հնարավորությունները՝ փակվել է արտագնա աշխատանքի հնարավորությունը, իսկ արտագնա աշխատանքի մեկնածները փող ու հնարավորություն չունեն տուն վերադառնալու, բնակչության փոքր տոկոսի ապրուստն ապահովող տուրիզմն էլ վերացել է։
Կարդացեք նաև
Հաշվի առնելով, որ չկա ոչ մի իրավական հիմք Ամուլսարի ծրագրի խոչընդոտման համար, տեսնելով, որ կառավարությունը լուռ ու անմասն է ժողովրդի խնդիրներից, համայնքի հազարավոր բնակիչների անունից դիմել ենք Լիդիանին, խնդրելով, թեկուզ որպես այս պայմաններում սոցիալական աջակցություն, հնարավորություն ստեղծել գոնե նվազագույն քանակի աշխատատեղերի վերականգնման, սոցիալական ծրագրերի վերսկսման համար։
Կառավարությունից մեր համայնքներում այլեւս ո’չ հաց են ուզում, ո’չ ջուր։ Մեր միակ պահանջն է՝ ապահովել օրենքի կիրառումը, ապահովել աշխատելու մեր օրինական իրավունքի համար պայմաններ։
Ամուլսարի հարակից համայնքների բնակիչներ
Մոտ 1200 ստորագրությամբ անպատասխան նամակը ավելի քան մեկ ամիս առաջ հանձնվել է կառավարությանը։
այժմու կացութեան մէջ, աւելի քան երբե՛ք ՝
«Ամուլսարը Փաշինյանի փրկութեան սկիզբն է (19.08.2019) »
https://haytougchamlian.blog/ամուլսարը՝-փաշինյանի-փրկութեան-սկիզ/
—————————————
ստորեւ, ոսկիի գինը, անցած երկու տարիների ընթացքում…
եթէ մինչ այդ Ամուլսարի հանքի արտադրութիւնը հաստատուէր, Հայաստանում քորոնաժահրի համաճարակի տնտեսական եւ ընկերային աղետալի հետեւանքները հնարաւոր կը դառնար արդէն անմիջապէս մեղմացնել՝
https://www.chartoasis.com/gold-per-oz-commodity-chart-2…/