Հուլիսի 17-ին Միացյալ Նահանգների Նախագահին ուղղված մի նամակում՝ քննարկումների և քարոզչության հետ մեկտեղ, Ամերիկայի հայկական համագումարը (Համագումար) հորդորեց Ադմինիստրացիային կտրուկ փոխել իր քաղաքականությունը՝ հաշվի առնելով Ադրբեջանի գրոհները Հայաստանի դեմ:
Համագումարի համանախագահներ Էնթոնի Բարսամյանի ու Վան Գրիգորյանի նամակում մասամբ ասվում է. «Ադրբեջանի շարունակական գրոհները քրիստոնյա Հայաստանի վրա, որոնք սկսվեցին կիրակի, հուլիսի 12-ին՝ Թուրքիայի ակտիվ աջակցությամբ և խրախուսմամբ, պետք է ազդարարեն ձեր Ադմինիստրացիայի քաղաքականության կտրուկ փոփոխության անհրաժեշտությունը տարածաշրջանում»: Համագումարը ընդգծեց պայքարի ընթացիկ փուլում ամենաարտահայտիչ կետը. 2016թ.-ի քառօրյա պատերազմից հետո կողմերը պետք է իրականացնեին ուժեղացված մոնիտորինգ և հետաքննող մեխանիզմ՝ օգնելու ապահովել հրադադարի ռեժիմին համապատասխանությունը: Միայն Ադրբեջանն է արգելափակել այդ միջոցները, որպեսզի իր լոբբիստներն ու կառավարությունը փորձեն ավելի շատ վայրագություններ թաքցնել:
Համագումարի համանախագահները վկայակոչեցին շարունակական մտահոգություններ` Ադրբեջանի և Հայաստանի միջև ԱՄՆ-ի անվտանգության աջակցության ավելի քան 100 միլիոն դոլարի անհամաչափության, ինչպես նաև Թուրքիայի նկատմամբ Ադմինիստրացիայի հարգալից կեցվածքի վերաբերյալ` սկսած Հայոց ցեղասպանության ճանաչման հարցից մինչև իր կողմից Հայաստանի շրջափակման և Ադրբեջանին ցուցաբերող ռազմական օժանդակության հարցերը, ինչն ըստ Համագումարի համանախագահների հայտարարության. «ակնհայտորեն նպաստել են Ալիևի ռեժիմի կողմից զինադադարի հանդուգն խախտումներին և անմեղ քաղաքացիական կյանքեր խլելուն»:
Հաշվի առնելով, որ Ադրբեջանը բազմիցս թիրախավորել է խաղաղ քաղաքացիներով բնակեցված տարածքներ և բացահայտորեն սպառնացել է ռմբակոծել Հայաստանի ատոմային էլեկտրակայանը, որը հստակորեն ծառայում է քաղաքացիական էներգիայի օգտագործման՝ միջազգային հսկողության ներքո, և հաշվի առնելով, որ Բաքուն շարունակական անհանդուրժողականություն է ցուցաբերում Ղարաբաղյան հիմնախնդրի խաղաղ կարգավորման գործընթացում, համանախագահները Ադմինիստրացիային կոչ արեցին անհապաղ դադարեցնել Ադրբեջանին տրամադրվող բոլոր ռազմական ֆինանսավորումները և վերականգնել ռազմական օժանդակության հավասարությունը Հայաստանի հետ:
Կարդացեք նաև
Բացի այդ, համանախագահները նախագահին հորդորեցին «հստակ հանրային հաղորդագրություն հղել Թուրքիային, որ համաձայնեցված հրադադարի նկատմամբ հարգանքից բացի իր աջակցությունն որևէ այլ հարցին միայն ազդարարում է, որ նա աշխատում է ավարտին հասցնել Օսմանյան կայսրության ժամանակ կատարված Հայոց ցեղասպանությունը»:
Ի վերջո, նամակը հայցում է, որպեսզի «Ադմինիստրացիան կիրառի Ազատության աջակցության ակտի 907 Բանաձևի էությունը և Արտաքին օգնության ակտի 620(I) Բանաձևը (որը լայնորեն հայտնի է որպես Մարդասիրական օգնության միջանցքի ակտ) և չեղյալ համարի Ադմինիստրացիայի կողմից դրանց շրջանակներում տրված կասեցումները, որոնք պարբերաբար տրամադրվում էին»:
Համագումարը նաև լրացուցիչ գործողություններ է ձեռնարկել Կոնգրեսի և Ադմինիստրացիայի հետ՝ ընդգծելով, որ մինչ Ալիևի ռեժիմը չկարողանա կայուն և իրագործելի պարտավորվածություն ցուցաբերել հրադադարի ռեժիմի պահպանման և խաղաղ բնակչության վրա հարձակումների դադարեցման նկատմամբ՝ խաղաղությունն անհնար է:
Ամերիկայի հայկական համագումար
