Ռուսաստանը ներկայացնող հայ մարտիկ Արման Ծառուկյանը հաղթել է բրազիլացի Դավի Ռամոսին: Մարտը կայացել է UFC Fight Night 172-ի շրջանակում՝ Աբու-Դաբիի «Մարտական կղզում»:
Մարտից հետո Արման Ծառուկյանը հայտարարել է, թե միշտ էլ քննադատաբար է վերաբերվում ինքն իրեն: «Մարտն ավարտվեց, սակայն, միեւնույն է, հասկանում եմ, որ որոշ դրվագներում չարժեր գնալ մերձամարտի, այլ պետք էր աշխատել տարածության վրա: Սակայն երբեմն ադրենալինը իր դերն անում էր եւ ուզում էի հարվածել ու «անջատել»,-ասել է նա:
Աշոտ ՀԱԿՈԲՅԱՆ
