WarGonzo նախագծի հեղինակ, լրագրող Սեմյոն Պեգովը այցելել է հայ-ադրբեջանական սահման՝ Տավուշի ուղղությամբ: Նրան հաջողվել է հնարավորինս մոտենալ առաջնագծին, նկարահանել Աղդամ գյուղը: Պեգովը ռեպորտաժում ընդգծում է, որ հենց Աղդամ գյուղի շրջակայքում են տեղադրված ադրբեջանական դիրքերը, խրամատները, որտեղից էլ ադրբեջանական զինուժը հրանոթներով և ականանետներով կրակ է բացում հայկական դիրքերի ուղղությամբ:
Լրագրողի խոսքով՝ հենց Աղդամի բնակելի հատվածում են թաքցված ադրբեջանական հրանոթները, ականանետները, կարելի է ասել ադրբեջանցիները կրակ են բացում հենց պարտեզներից, ինչը արվում է միտումնավոր, որպեսզի հայկական կողմը չկարողանա պատասխան հարված հասցնել: «Ինքներդ եք հասկանում, որ այս դեպքում կտուժեն խաղաղ բնակիչներ, իսկ Հայաստանի համար առաջնահերթ խնդիրը դա չէ: Այսպիսով, նրանք (ադրբեջանցիները) խաղաղ բնակիչներին կոպիտ ասած դարձրել են վահան»,-ընդգծել է Պեգովը:
Ռուս լրագրողը նաև այցելել է այն վայրը, որտեղ տեղակայված է հայկական «Անվախ» դիրքը։ «Այս դիրքում է գտնվում հենց այն բարձունքը, որտեղ հայ զինծառայողները լավացրել են իրենց դիրքերը, հենց այս ձևակերպումն է տեղին ստեղծված իրավիճակում: Փաստացիորեն նախկինում այնտեղ գտնվել է չեզոք գոտի, որին հասանելիություն ունեին ադրբեջանցի զինծառայողները և որի միջոցով սադրիչ գործողություններ էին իրականացնում, մասնավորապես գնդակոծելով հայկական խաղաղ գյուղերը՝ Մովսես, Այգեպար, Չինարի: Այժմ ադրբեջանցի զինծառայողները փաստացիորեն չեն կարող նման սադրանքներ գործել»,-ընդգծել է Պեգովը:
Առավել մանրամասն՝ տեսանյութում:
Կարդացեք նաև
https://www.youtube.com/watch?v=hSmMLXB9DVo
Պատրաստեց՝ Վիկտորյա ԱՆԴՐԵԱՍՅԱՆԸ
