Ինչպես տեղեկացրել ենք, 5 օր առաջ Գյումրու 8-րդ զինվորական թաղամասի բազմաբնակարան շենքերից մեկի 4-րդ հարկից 6 տարեկան տղա երեխա էր ընկել, որին ծայրահեղ ծանր վիճակում՝ գլխուղեղի ծանր վնասվածքով, գանգուղեղի բազմաթիվ կոտրվածքներով նախ տեղափոխել էին Գյումրու «Մոր և մանկան ավստրիական հիվանդանոց», այնուհետ «Սուրբ Աստվածամայր» ԲԿ։ «Սուրբ Աստվածամայր» ԲԿ-ի մամլո քարտուղար Գևորգ Դերձյանն Aravot.am-ին տեղեկացրեց, որ երեխան մահացել է։
Նա մահացել է շաբաթ երեկոյան։ Գևորգ Դերձյանն ասաց, որ երեխան գիտակցության չի եկել, «Սուրբ Աստվածամայր» ԲԿ է տեղափոխվել է ծայրահեղ ծանր վիճակում, կոմայի մեջ, նրան միացվել է արհեստական շնչառական սարք, հենց վերակենդանացման բաժանմունքում էլ մահացել է։
Ավելի վաղ Գևորգ Դերձյանն իր ֆեյսբուքյան էջում տեղեկացրել էր․ «Գյումրիում՝ 8-րդ զինվորական թաղամասի շենքերից մեկի 4-րդ հարկից 6 տարեկան երեխա է ընկել ներքև:
Երեխան սկզբում տեղափոխվել է Գյումրիի «Մոր և մանկան ավստրիական հիվանդանոց, այնուհետև ռեանիմոբիլով տեղափոխվել Երևան՝ «Սուրբ Աստվածամայր» ԲԿ:
Կարդացեք նաև
Ունի զուգակցված վնասվածքներ, գանգի թաղի կոտրվածք, ներուղեղային արյունահոսություն, կրծքավանդակի սալջարդ, ողերի կոմպրեսիոն կոտրվածքներ, որովայնի սալջարդ և այլ վնասվածքներ։
Վիճակը գնահատվում է ծայրահեղ ծանր: Կոմայի մեջ է, միացված է արհետական շնչառության սարք։ Գտնվում է վերակենդանացման բաժանմունքում»։
Նունե ԱՐԵՎՇԱՏՅԱՆ
