Հայ-ադրբեջանական սահմանին հակառակորդի ագրեսիան ՀՀ զինված ուժերին փայլուն հաղթանակ տվեց, եւ դա ամենակարեւորն է: Այս մասին այսօր լրագրողների հետ ճեպազրույցում գնահատելով սահմանային զարգացումները՝ ասաց ՀՀ ՊՆ Վազգեն Սարգսյանի անվան ռազմական համալսարանի պետի տեղակալ Արծրուն Հովհաննիսյանը:
«Ժողովրդական համախմբման, պետական եւ զինվորական համակարգի աշխատանքի հղկվածության, կայացման, զարգացման առումներով աճ ունեցանք՝ չնայած ցավալի կորուստներին եւ նյութական ավերածություններին: Մեր ոգին ու կամքն ավելի ամրապնդվեց, վճռականությունը նույնպես»,-համոզմունք հայտնեց Հովհաննիսյանը:
Լուիզա ՍՈՒՔԻԱՍՅԱՆ
