«Մինչեւ հիմա զրուցել եմ ազգային հավաքականի շուրջ 20 ֆուտբոլիստի հետ: Դրանց բնույթը հրապարակայնացնելու ենթակա չէ: Բայց կարող եմ ասել, որ հաճելիորեն զարմացրեց այն, որ բոլոր տղաները մեծ նվիրվածություն դրսեւորեցին եւ հավաքականում ելույթը շարունակելու ցանկություն արտահայտեցին»,-այսօր հեռավար ասուլիսում ասաց ֆուտբոլի Հայաստանի ազգային հավաքականի գլխավոր մարզիչ Խոակին Կապառոսը:
Նա նաեւ խոսեց հավաքականը համալրելու հեռանկար ունեցող երիտասարդ ֆուտբոլիստների մասին՝ նշելով, որ նրանց պրակտիկա է անհրաժեշտ եւ քանի դեռ հստակ չի կարող ասել, որ նրանք դա կկարողանան՝ կարծիք հայտնելուց ձեռնպահ կմնա:
Հարցին, թե Հայաստանի հավաքականն Ազգերի լիգայում ինչ շանսեր ունի եւ իրատեսակա՞ն է համարում հենց Ազգերի լիգայով աշխարհի առաջնության ուղեգիր նվաճելը, Խոակին Կապարոսը պատասխանեց. «Նախ պետք է շատ մեծ ցանկություն ունենանք եւ քայլ առ քայլ, խաղ առ խաղ շարժվենք առաջ: Սկզբում դրվում է նպատակը, հետո այդ նպատակին հասնում ես: Բայց մենք պետք է վստահ լինենք, որ կարող ենք խաղալ ցանկացած մրցակցի դեմ, եթե իրոք իսկական թիմի մենթալիտետ ունենք: Եթե դաշտում համախմբված ենք` բոլոր ֆուտբոլիստների միասնական ջանքերի շնորհիվ կկարողանանք հասնել այդ նպատակին»-վստահեցրեց հավաքականի գլխավոր մարզիչը:
Կարդացեք նաև
Աշոտ ՀԱԿՈԲՅԱՆ
