Անցնող գիշերը հակառակորդը հետաքրքիր տեղեկատվական արշավ է իրականացրել: ՀՀ քաղաքացիների տարբեր հեռախոսահամարներին ստացվել են կեղծ SMS հաղորդագրություններ՝ իբրեւ թե հայկական կողմի զոհերի, սարսափելի իրավիճակի մասին: Այս մասին այսօր լրագրողների հետ ճեպազրույցում հայտնեց Վազգեն Սարգսյանի անվան ռազմական համալսարանի պետի տեղակալ Արծրուն Հովհաննիսյանը:
Պաշտպանության նախարարության mil.am կայքի անունից կեղծ SMS -ը
Նրա խոսքով՝ հաղորդագրությունները եղել են լատինատառ եւ ինչ-որ տեղ անհասկանալի: «Չտրվեք դրան: Օպերատորներն աշխատում են իրավիճակը շտկելու եւ հերքող հաղորդագրություններ ուղարկելու ուղղությամբ»,-նշեց Արծրուն Հովհաննիսյանը:
Լուիզա ՍՈՒՔԻԱՍՅԱՆ
