Հուլիսի 15-ին անհայտ անձինք Twitter-ում կոտրել են մի շարք հայտնի մարդկանց էջերը՝ հրապարակելով հաղորդագրություններ, որոնցում կոչ է արվում բիտկոին փոխանցել: Նման հաղորդագրություններ հայտնվել են SpaceX ընկերության հիմնադիր Իլոն Մասկի, Microsoft-ի համահիմնադիր Բիլ Գեյթսի, ԱՄՆ նախկին նախագահ Բարաք Օբամայի, ռեփեր Քանյե Ուեսթի, ինչպես նաև Apple և Uber ընկերությունների պաշտոնական օգտահաշիվներում:
Ինչպես հաղորդում է Deutsche Welle-ն չարագործներին հաջողվել է ստանալ ավելի քան 104 հազար դոլար:
Twitter ընկերությունից էլ հայտնել են, որ տեղյակ են միջադեպից: «Հետաքննություն ենք անցկացնում և քայլեր ձեռնարկում, որպեսզի շտկենք տեղի ունեցածը: Թարմացումների մասին հավելյալ կտեղեկացնենք»,-ասվում է հաղորդագրությունում:
Պատրաստեց՝ Վիկտորյա ԱՆԴՐԵԱՍՅԱՆԸ
