Հայ հեղափոխական դաշնակցության Երիտասարդական միության անդամները հուլիսի 15-ին Հայաստանում Ուկրաինայի դեսպանության շենքի մոտ էին:
Նրանք բացականչում էին` «Ուկրաինա՛, մի՛ սադրիր», «Ուկրաինա՛, մի՛ աջակցիր ագրեսոր Ադրբեջանին», «Չաջակցե՛լ ագրեսորին»:
«Ուկրաինան տարածեց հայտարարություն, որը տարածաշրջանում սրում է կոնֆլիկտներ: Ուկրաինայի տարած հայտարարությունը ջուր է լցնում մարդասպան Ադրբեջանի ջրաղացին, և այդ հայտարարությունը միակողմանի հայտարարություն է` ի օգուտ ագրեսոր Ադրբեջանի»,- հայտարարեց Երիտասարդական միության անդամ Գոռ Սարգսյանը:
Նրա կարծիքով` Ուկրաինան սեպ է խրում Հայաստանի հետ հարաբերությունների մեջ. «Մենք եկել ենք ձեզ փոխանցենք ձեր եփած ճաշը, եկել ենք ձեզ փոխանցենք ձեր եփած բորշչը: Եվ ուզում ենք ասել` կերեք այդ բորշչը և սուս մնացե՛ք»:
Կարդացեք նաև
Նրանք բորշչով տարա նետեցին դեսպանատան շենքի վրա:
«Մեր այս գործողությունը` պատասխան Ուկրաինայի հայտարարության շատ մեղմ է: Կոչ ենք անում Հայաստանում Ուկրաինայի դեսպանին, որ փոխանցեն Ուկրաինայի իշխանություններին, որ մի՛ խառնվեք, պետք չի, ձեր բիզնես շահերը Ադրբեջանի հետ մի՛ քաղաքականացրեք, և մի՛ խառնվեք այս կոնֆլիկտին և ջուր մի՛ լցրեք ագրեսոր Ադրբեջանի ջրաղացին: Դրանով դուք միայն տուժելու եք»,- այսպես մեկնաբանեց արարքը Գոռ Սարգսյանը:
Ցուցարարները ավարտեցին իրենց ցույցը` Ուկրաինայի դեսպանատան առաջ թողնելով անգլերեն և ուկրաիներեն պաստառներ:
https://www.facebook.com/arfhemofficial/videos/2725856337649721/
Ամի ՉԻՉԱԿՅԱՆ
Լուսանկարը՝ «Այսօր»-ի
