«Յուրաքանչյուր երկիր իր շահերն ունի ե՛ւ գլոբալ մակարդակով, ե՛ւ տարածաշրջանային: Մենք պետք է մեր խնդիրները լուծենք՝ անկախ նրանից, թե ինչպիսի միջազգային արձագանքներ կան, չնայած միջազգային արձագանքները եղել են կա՛մ չեզոք, կա՛մ հօգուտ Հայաստանի, բացառությամբ երկու դեպքի, դա Թուրքիան էր, որը խիստ կողմնակալ դիրքորոշում է արտահայտել, որը Թուրքիայի պարագայում հասկանալի է, սա եւ սա մեկ անգամ ցույց է տալիս, որ Թուրքիան իրավունք չունի ներգրավելու ԵԱՀԿ շրջանակներում արցախյան հարցի լուծման մեջ, որովհետեւ խիստ սեւեռված եւ ադրբեջանամետ դիրքորոշում ունի: Եվ մենք ունենք Ուկրաինայի տարբերակը, որի հայտարարությունը չէր բխում արդարության ոգուց եւ արցախյան հակամարտության լուծման տրամաբանական ոգուց»,- այսօր ԱԺ-ում լրագրողների հետ ճեպազրույցում ասաց «Իմ քայլը» խմբակցության պատգամավոր Շիրակ Թորոսյանը՝ հավելելով, որ մնացած բոլոր երկրների արձագանքը կա՛մ եղել է չեզոք, կա՛մ արդարության ոգուն համապատասխան:
Շիրակ Թորոսյանն ասաց, որ աշխարհը տեղեկացված է այսօր հայ-ադրբեջանական սահմանի էսկալացիայի մասին. «ԱՄՆ-ի սենատորների, կոնգրեսականների, Իտալիայի սենատորների արձագանքները այն մասին են խոսում, որ մարդիկ հայանպաստ դիրքորոշում են արտահայտել»:
Թորոսյանը համոզված է, որ Ադրբեջանի իշխանությունների կողմից Բաքվի ցույցերը թույլատրված էին միանշանակ. «Պատերազմական հռետորաբանության հերթական դրսեւորումն է, թե իբր ժողովուրդը, զանգվածներն են ոտքի ելել՝ ռազմական գործողություններ սկսելու պահանջով: Իրենք գիտեն, ցանկացած ռազմական ոտնձգություն հղի է Ադրբեջանի համար կորստաբեր հետեւանքներով: Նրանք կորցնելու են ավելի մեծաքանակ զինուժ, տեխնիկա եւ հավանական է շատ, որ կկորցնեն տարածքներ: Թող իրենք որոշեն՝ ինչի կգնա Ադրբեջանի իշխանությունը, կգնա էսկալացիայի՞, թե՞ կմնա Մինսկի խմբի տրամաբանության մեջ, այն, որ կոնֆլիկտի լուծումը ռազմական ճանապարհ չունի»:
Մանրամասները՝ տեսանյութում:
Կարդացեք նաև
Հռիփսիմե ՋԵԲԵՋՅԱՆ
