Երևանը մտադիր չէ զենքի հավելյալ մատակարարումների հարցով դիմել Ռուսաստանին: Այս մասին «ՌԻԱ Նովոստի» գործակալությանը հայտնել է ՌԴ-ում ՀՀ դեսպան Վարդան Տողանյանը:
«Այսօրվա դրությամբ հավելյալ մատակարարումների կարիք չկա: Ռուսաստանի հետ ռազմատեխնիկական մեր համագործակցությունը այս տարիների ընթացքում զարգանում է, կան երկկողմ պարտավորություններ, պայմանավորվածություններ, որոնք քննարկում են գերատեսչությունները: Այն պատվերները, որոնք արդեն ստացել ենք, և նրանք, որոնք սպասվում են, ամբողջապես բավարարում են մեր երկրի անվտանգությունն ապահովելու համար: Այդ իսկ պատճառով այս պահին զինամթերքի հավելյալ մատակարարումների մասին խոսք չկա»,-պարզաբանել է դեսպանը:
Միևնույն ժամանակ Տողանյանը հույս է հայտնել, որ Ռուսաստանը կօգտագործի իր ազդեցությունը և հնարավորությունները՝ հայ-ադրբեջանական սահմանին լարվածությունը մեղմացնելու համար:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
