Տավուշում հայ-ադրբեջանական սահմանին Ադրբեջանի զինված ուժերը, այդ թվում՝ սահմանապահ ծառայությունը, 3-րդ բանակային կորպուսում իրենց սպառազինությունում եղած գրեթե ողջ զինանոցը կիրառել են, բացառությամբ մի քանի միջոցների: Այս մասին այսօր՝ Իջեւանում՝ ճգնաժամային տեղեկատվական կենտրոնում հրավիրված ճեպազրույցում ասաց Վազգեն Սարգսյանի անվան ռազմական համալսարանի պետի տեղակալ Արծրուն Հովհաննիսյանը: Ըստ նրա, դրանք են՝ բոլոր տրամաչափի հրաձգային զենքերը՝ գնդացիրներ, ականանետեր, նռնականետեր եւ այլն, տանկեր, հրետանային միջոցներ, ընդհուպ մինչեւ 122 մմ եւ չի բացառվում՝ ավելի մեծ տրամաչափի. «Հարվածային դրոններից, եթե չեմ սխալվում, առաջին անգամ ենք տեսնում իսրայելական «Սքայ Սթրայքեր» տեսակը, մինչ այս կիրառել են այլ ԱԹՍ-ներ, հավանաբար, սա սահմանային ծառայությանն է կամ նոր համալրված տեսակ է:
Մեր ՀՕՊ միջոցները մոտավոր 10 ԱԹՍ են խոցել: Դրանց մեջ մտնում են ինչպես սովորական, հետախուզական փոքր մարտավարական խնդիր կատարող ԱԹՍ-ները, այնպես էլ հարվածային ԱԹՍ-ներն ու նոր թանկարժեք Hermes 900 ԱԹՍ-ն: Հակառակորդը բացի ԱԹՍ-ներից կորցրել է նաեւ մի քանի զրահատեխնիկա, բայց հստակ թվեր չեմ կարող ասել»:
Հուլիսի 12-ին Տավուշի մարզում հայ-ադրբեջանական սահմանին ադրբեջանական կողմը ռազմական գործողություններ է սկսել. չորս հայ զինծառայող է զոհվել, ադրբեջանական կողմում զոհերի թիվն անցնում է մեկ տասնյակը:
Կարդացեք նաև
Նելլի ԲԱԲԱՅԱՆ
