Երեւանի ընդհանուր իրավասության դատարանում սահմանադրական կարգի տապալման գործի քննությունը շարունակվում է: Ինչպես տեղեկացրել ենք, երկրորդ նախագահ Ռոբերտ Քոչարյանի պաշտպան Հայկ Ալումյանը միջնորդություն ներկայացրեց դատարանում հարցաքննելու ՍԴ նախկին դատավոր Գագիկ Հարությունյանին, ՍԴ դատավորներին, Սամվել Մայրապետյանին, ՊՆ նախկին նախարար Միքայել Հարությունյանին:
Յուրի Խաչատուրովի պաշտպան Միհրան Պողոսյանը միջնորդություն ներկայացրեց դատարանում հարցաքննելու ենթադրյալ դեպքի անմիջական ականատեսներին եւ մեղադրանքի որոշման մեջ նշված որոշակի գործողություններ կատարած անձանց՝ մասնավորապես՝ Մանվել Գրիգորյանին, Գեւորգ Կոստանյանին, Տիգրան Կարապետյանին, Վահագն Հարությունյանին եւ Արմեն Հակոբյանին:
Նա ասաց, որ նրանցից որոշները հարցաքննվել են, որոշները՝ ոչ: Քրդատավարության օրենքի կանոնին հակառակ՝ քննիչը որոշել է այս անձանց չհարցաքննել, մինչդեռ նրանք կարող էին կարեւոր տեղեկություններ հայտնել:
Միհրան Պողոսյանն ասաց, որ Վահագն Հարությունյանը եւ Արմեն Հակոբյանը եղել են քննչական խմբի անդամ եւ ղեկավար Մարտի 1-ի գործով, Տիգրան Կարապետյանը եղել է այն թեկնածուներից մեկը, որը դիմել է ՍԴ ու ըստ մեղադրանքի, դրա հետ կապված եղել է ճնշում դատարանի վրա:
Կարդացեք նաև
Հռիփսիմե ՋԵԲԵՋՅԱՆ
