Երեւանի ընդհանուր իրավասության դատարանում սահմանադրական կարգի տապալման գործի քննությունը շարունակվում է: Ինչպես տեղեկացրել ենք, երկրորդ նախագահ Ռոբերտ Քոչարյանի պաշտպան Հայկ Ալումյանը միջնորդություն ներկայացրեց դատարանում հարցաքննելու ՍԴ նախկին դատավոր Գագիկ Հարությունյանին, ՍԴ դատավորներին, Սամվել Մայրապետյանին, ՊՆ նախկին նախարար Միքայել Հարությունյանին:
Յուրի Խաչատուրովի պաշտպան Միհրան Պողոսյանը միջնորդություն ներկայացրեց դատարանում հարցաքննելու Մանվել Գրիգորյանին, Գեւորգ Կոստանյանին, Տիգրան Կարապետյանին, Վահագն Հարությունյանին եւ Արմեն Հակոբյանին:
Իսկ Սեյրան Օհանյանի պաշտպան Կարեն Մեժլումյանն էլ միջնորդեց Հովիկ Աբրահամյանին, Դավիթ Հարությունյանին, Արմեն Ռուստամյանին, Ավետ Ադոնցին, Արծրունի Աղաջանյանին որպես վկա հրավիրել դատարան՝ պարզելու համար, թե Քրեական օրենսգրքում 300.1 հոդվածի փոփոխությունները կապվա՞ծ էին 300 հոդվածի իրավական որոշակիություն չունենալու հետ, թե՞ ոչ:
Դատական նիստը հետաձգվեց, հաջորդ դատական նիստը նշանակվեց հուլիսի 21-ին, ժամը 13-ին:
Կարդացեք նաև
Հռիփսիմե ՋԵԲԵՋՅԱՆ
