«Սահմանադրական դատարանի (ՍԴ) նիստն այսօր չկայացավ քվորումի բացակայության պատճառով»,-Aravot.am-ի հետ զրույցում տեղեկացրեց ՍԴ աշխատակազմի ղեկավար Էդգար Ղազարյանը:
Հիշեցնենք՝ ըստ ՍԴ պաշտոնական կայքի՝ ՍԴ-ն որոշել է քննության առնել Բարձրագույն դատական խորհրդի (ԲԴԽ) դիմումը: ԲԴԽ-ն, կասեցնելով խորհրդի անդամ Հայկ Հովհաննիսյանին կարգապահական պատասխանատվության ենթարկելու միջնորդության քննությունը, դիմել էր ՍԴ՝ Դատական օրենսգրքի 85-րդ հոդվածի 2-րդ մասի (Բարձրագույն դատական խորհրդի անդամին կարգապահական պատասխանատվության ենթարկելու հարցը Բարձրագույն դատական խորհուրդը քննում է Բարձրագույն դատական խորհրդի առնվազն երեք անդամի միջնորդության հիման վրա) սահմանադրականության հարցը որոշելու նպատակով:
Հուլիսի 14-ին նախատեսված էր գործի դատաքննությունը: Զեկուցող էր նշանակվել Արևիկ Պետրոսյանը:
Aravot.am-ը Էդգար Ղազարյանից հետաքրքրվեց՝ հաջորդ նիստը ե՞րբ է կայանալու: Նա պատասխանեց. «Ըստ ժամանակացույցի՝ ՍԴ հաջորդ նիստը նախատեսված է օգոստոսի 25-ին»:
Կարդացեք նաև
Տաթև ՀԱՐՈՒԹՅՈՒՆՅԱՆ
