ՀԱՊԿ-ն իր մտահոգությունն է հայտնում հայ-ադրբեջանական սահմանին իրավիճակի սրման կապակցությամբ և կողմերին անհապաղ հրադադար հաստատելու կոչ է անում: Այս մասին «ՌԻԱ Նովոստի» գործակալությանը հայտնել է ՀԱՊԿ-ի մամուլի քարտուղար Վլադիմիր Զայնետդինովը:
«ՀԱՊԿ քարտուղարությունը մտահոգված է հայ-ադրբեջանական սահմանին իրավիճակի սրման առնչությամբ, որն առաջացել է հուլիսի 12-ին Հայաստանի և Ադրբեջանի զինված ուժերի ստորաբաժանումների միջև զինված բախումից հետո, այդ թվում ծանր սպառազինության կիրառմամբ, ինչի հետևանքով կան զոհեր և վիրավորներ: Ստեղծված իրավիճակը չի նպաստում իրավիճակի կարգավորմանը երկու հարևան պետությունների սահմաններում, որոնցից մեկը՝ Հայաստանի Հանրապետությունը, ՀԱՊԿ անդամ պետություն է: Այս իրավիճակը վկայում է հրադադարի վերաբերյալ պայմանավորվածությունների խախտման մասին, որոնք ձեռք են բերվել Հայաստանի ու Ադրբեջանի ղեկավարների մակարդակով»,-ասվում է մեկնաբանությունում:
Կազմակերպությունը կողմերին կոչ է անում անհապաղ վերականգնել հրադադարի ռեժիմը ՀԱՊԿ լիազորություն ներքո գտնվող տարածքներում:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
