Մարզական միջազգային դատարանը (CAS) բավարարել է եվրագավաթների խաղարկությունից երկու տարով հեռացվելու «Մանչեսթեր Սիթիի» բողոքարկումը:
Հիշեցնենք, որ ՈՒԵՖԱ-ն ձմռանը այդ ակումբի առջեւ երկու տարով փակել էր ճանապարհը դեպի եվրագավաթներ՝ 2012-2016 թվականներին ֆինանսական ֆեյեր-փլեյի կանոնները խախտելու համար: «Մանչեսթեր Սիթին» կարող է մասնակցել Չեմպիոնների լիգայի մրցաշարին:
Հայտնի է, որ «քաղաքայինների» սեփականատերերը Մերձավոր Արեւելքից շեյխ միլիարդատերեր են:
Բնական է, որ եկող մրցաշրջանից «Ման.Սիթիի» վերադարձը ՉԼ անհանգստացրել է ԱՊԼ-ի որոշ ակումբների, այդ թվում՝ 3-րդ տեղում ընթացող Լոնդոնի «Չելսիի» սեփականատեր, ռուս միլիարդատեր Ռոման Աբրամովիչին: Բանն այն է, որ «Չելսին» մինչեւ այս որոշումն իրեն որոշակիորեն ապահով էր զգում, որ կմասնակցի ՉԼ-ին, սակայն հիմա չի բացառվում, որ թիմը կարող է անցնել եվրոպական գլխավոր գավաթային խաղարկության կողքով եւ հայտնվել Եվրոպա լիգայում, եթե մնացած խաղերում միավորի անհարկի կորուստ ունենա:
Կարդացեք նաև
Աշոտ ՀԱԿՈԲՅԱՆ
