ԱԺ հատուկ նիստում այսօր «Լուսավոր Հայաստան» խմբակցության ղեկավար Էդմոն Մարուքյանը համոզմունք հայտնեց, որ քաղաքացիները չեն ցանկանում արտակարգ դրության ռեժիմի երկարաձգում, որովհետեւ հազարավոր մարդիկ մնացել են առանց աշխատանքի, նրանց չի տրվում հարկային արձակուրդ, վարկ չեն կարողանում վերցնել. «Մենք կողմ ենք, որ սահմանափակումները վերացվեն»:
Հիշեցնենք, որ ՀՀ կառավարությունն այսօր որոշել է կորոնավիրուսի տարածումը կանխարգելելու նպատակով հայտարարված արտակարգ դրության ժամկետը երկարաձգել մինչեւ օգոստոսի 12-ը, եւ իրավունքի ուժով գումարվել է ԱԺ հատուկ նիստ: «Ո՞վ է ծիծաղում, պարոն նախարար, դուք եք…ա՜, բոլորդ եք ծիծաղո՞ւմ:
Այսինքն, հազարավոր մարդիկ կորոնավիրուսով վարակված են , սովի են մատնված, իսկ դուք ծիծաղո՞ւմ եք»,-ելույթի ժամանակ իշխող «Իմ քայլը» խմբակցությանն այսպես դիմեց Մարուքյանը, ապա շարունակեց,-«ժողովուրդ ջան, սա մեծամասնական խմբակցությունն է: Հուսամ՝ քննիչ հանձնաժողովում չեք ծիծաղի»:
ԱԺ նախագահ Արարատ Միրզոյանը պատգամավորներին կոչ արեց հարգանքով վերաբերվել ամբիոնից խոսողին, խոսքը չընդհատել, իսկ ամբիոնից խոսողներին հորդորեց չտրվել դահլիճի որեւէ հատվածից հնչող սադրանքներին:
Կարդացեք նաև
Լուիզա ՍՈՒՔԻԱՍՅԱՆ
