Լրահոս
Օրվա լրահոսը

«Մենք ունակ ենք Ադրբեջանի տարածքում ցանկացած թիրախ խոցելու». «Իմ քայլի» պատգամավոր

Հուլիս 13,2020 17:53

«Քիչ առաջ ՊՆ խոսնակը հաստատեց, որ գնդակոծվում է Տավուշի մարզի Չինարի գյուղը: Փաստորեն, Ադրբեջանի ռազմաքաղաքական ղեկավարությունը երեկվա ապտակից դասեր չի քաղել: Դե ինչ, ընտրությունն իրենցն է, իսկ պատասխանը շատ ցավոտ է լինելու»,-ԱԺ հատուկ նիստում այսօր անդրադառնալով ՀՀ սահմանին հակառակորդի ձեռնարկած մարտական գործողություններին՝ ասաց «Իմ քայլի» պատգամավոր, պաշտպանության եւ անվտանգության հարցերի հանձնաժողովի անդամ Տիգրան Կարապետյանը: Նրա խոսքով՝ երեկվա մարտերի ընթացքում ՀՀ ԶՈՒ-ն ձեռնպահ մնաց հակառակորդի խաղաղ բնակչության բնակավայրերի ուղղությամբ արկեր արձակելուց:

«Կրակն ամբողջությամբ ուղղորդված էր ռազմատեխնիկայի վրա, սակայն, ցավոք, մենք ստիպված ենք լինելու պատասխանել շատ ցավոտ: Առաջնագծում Ադրբեջանը կիրառում է հարվածային անօդաչուներ, կրակ է բացում մեր դիրքերի ուղղությամբ, քիչ առաջ էլ թիրախավորվեց Չինարին: Բարեբախտաբար, Չինարիում զոհեր եւ վիրավորներ չունենք, կա վնասված տանիք: Հետեւաբար, ստիպված ենք լինելու ցավոտ պատասխանել»:

Կարապետյանը հավելեց. «Մենք ունակ ենք Ադրբեջանի տարածքում ցանկացած թիրախ եւ ռազմավարական նշանակության օբյեկտ խոցելու: ՀՀ ղեկավարությունը վայրկյան անգամ չի մտածելու՝ ՀՀ-ի եւ Արցախի սուվերենության համար տալու հրաման՝ ցանկացած թիրախ ոչնչացնելու: Ադրբեջանի ղեկավարությանը հիշեցնում ենք՝ այս արկածախդրությունը ձեզ համար անդառնալի հետեւանքներ է ունենալու»:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2020
Երկ Երե Չոր Հնգ Ուրբ Շաբ Կիր
« Հուն   Օգո »
 12345
6789101112
13141516171819
20212223242526
2728293031