ԱԺ հատուկ նիստում այսօր «Իմ քայլի» պատգամավոր Ռուստամ Բաքոյանն արտակարգ դրության պարետ, փոխվարչապետ Տիգրան Ավինյանից հետաքրքրվեց՝ հնարավո՞ր է բացառություն սահմանել գյուղատնտեսական աշխատանքներով զբաղվող քաղաքացիների հանդեպ, որպեսզի նրանք գյուղատնտեսական աշխատանքի ժամանակ դիմակ չդնելու պատճառով չտուգանվեն:
«Բացառություններ սահմանելու առումով փոքր ինչ զգուշավոր ենք, որովհետեւ բացառությունները երբեմն չարաշահվում են»,-նախ նշեց Տիգրան Ավինյանը:
«Այնուամենայնիվ, եթե խոսքը չի գնում մեծաքանակ անձանց մասին, նրանք նույնպես առաջնային թիրախը չեն ոստիկանության»,-հավելեց նա:
Հիշեցնենք, որ ՀՀ կառավարությունն այսօր որոշել է կորոնավիրուսի տարածումը կանխարգելելու նպատակով հայտարարված արտակարգ դրության ժամկետը երկարաձգել մինչեւ օգոստոսի 12-ը, եւ իրավունքի ուժով գումարվել է ԱԺ հատուկ նիստ:
Կարդացեք նաև
Լուիզա ՍՈՒՔԻԱՍՅԱՆ
