Ջերմուկում ընթացող Ստեփան Ավագյանի հուշամրցաշարի 7-րդ տուրի բոլոր հինգ պարտիաներում հաղթանակ են տոնել սեւ խաղաքարերով հանդես եկող շախմատիստները:
Միանձնյա առաջատարը գրոսմայստեր Մանուել Պետրոսյանն է, որը կորցրել է ընդամենը մեկ միավոր: Առաջին եռյակում են նաեւ 4,5-ական միավոր վաստակած գրոսմայստեր Հայկ Մարտիրոսյանն ու միջազգային վարպետ Արթուր Դավթյանը:
Մրցաշարի միակ կին մասնակիցը՝ կանանց գրոսմայստեր Աննա Սարգսյանը, առայժմ 2,5 միավորով զբաղեցնում է մրցաշարային աղյուսակի նախավերջին՝ 9-րդ հորիզոնականը:
Աշոտ ՀԱԿՈԲՅԱՆ
