Հուլիսի 10-ին ՀՀ անվտանգության խորհրդի նիստում վարչապետ Նիկոլ Փաշինյանը ներկայացրել է ազգային անվտանգության նոր ռազմավարությունը, որը փոխարինում է 2007թ.-ին ընդունված ռազմավարությանը: Aravot.am-ն առանձնացրել է փաստաթղթի՝ ռազմարդյունաբերությանն առնչվող դրույթները.
-Հայաստանի համար ռազմավարական առաջնայնություն է ռազմարդյունաբերական համալիրի՝ որպես զինված ուժերի հզորությունների շարունակական ընդլայնման, տնտեսական աճի, գիտական և տեխնոլոգիական առաջընթացի առանցքային գործոնի զարգացումը: Այս ուղղությամբ մենք շեշտը դնելու ենք ռազմարդյունաբերության ոլորտում պետական ներդրումների և պատվերների կատարման ու մասնավոր ներդրումների խրախուսման, ռազմարդյունաբերական համալիրի արտադրանքի բազմազանեցման և ծավալների ավելացման, ռազմարդյունաբերության ոլորտում նորագույն ու բարձր տեխնոլոգիաների խորը ներթափանցման վրա:
-Սա թույլ կտա նվազեցնել Հայաստանի կախվածությունը սպառազինության և ռազմական տեխնիկայի ներկրումներից, ինչպես նաև կտրուկ բարձրացնել հայրենական արտադրության ռազմական և բարձր տեխնոլոգիական ապրանքների մրցունակությունը միջազգային շուկայում:
Կարդացեք նաև
Պատրաստեց Լուիզա ՍՈՒՔԻԱՍՅԱՆԸ
Ասվածը ճիշտ է, բայց շատ դժվար իրականացման համար: Անհրաժեշտ է համալիր ձևաով զարգացնել ամբողջ տնտեսությունը: Հատկապես մեքենաշինության ոլորտը, որի կարողությունները ամբողջությամբ փոշիացվել են մեր երկրում, իսկ մասնագետների վերարտադրության համար չեն մտածում շուրջ երեսուն տարի: Երկրի տնտեսությունում անհրաժեշտ է իրականացնել լուրջ կլառուցվածքային փոփոխություններ տվյալ ռազմավարական խնդրի լուծման համար: