Ռուս լրագրող Վլադիմիր Սոլովյովը «Соловьёв LIVE» հաղորդաշարի եթերում պատասխանել է ռուսաստանցի ընդդիմադիր գործիչ Ալեքսեյ Նավալնիի արտահայտությանը, որն ավելի վաղ ասել էր՝ Սոլովյովի համար «Հայաստանը դադարել է լինել «բարեկամական երկիր» այն բանից հետո, երբ ՀՀ Հանրային հեռուստաընկերության եթերով ցուցադրել են իրեն՝ Նավալնիին:
Հիշեցնենք, որ Սոլովյովն իր հերթին դրանից առաջ հայտարարել էր, որ Հայաստանի հանրային հեռուստաընկերությունը Ռուսաստանում սահմանադրական փոփոխությունների վերաբերյալ ռեպորտաժի ժամանակ ցույց է տալիս «նացիստ» Ալեքսեյ Նավալնիին, որը «ատում է հայերին և Հայաստանը»։
«Դու չես հիշո՞ւմ, Լյոշա, առ տես քո թվիթը, ստախոս…»,-ասել է Սոլովյովը՝ ցուցադրելով 2008թ. հուլիսի 20-ի գրառումը Բելառուսի և Ալեքսանդր Լուկաշենկոյի մասին, որտեղ Նավալնին գործածել է «խաչիկ» բառը:
Բացի այդ Սոլովյովը հիշեցրել է նաև նրա հոդվածը Հայոց ցեղասպանության մասին և շեշտել, որ Նավալնին մասնակցել է մի երթի, որի ժամանակ վանկարկել են «մահ բոլոր խաչիկներին»:
Կարդացեք նաև
Դիտել՝ 1:18։00 րոպեից։
https://www.youtube.com/watch?v=FMezIT7s7kI&feature=emb_title
Պատրաստեց՝ Վիկտորյա ԱՆԴՐԵԱՍՅԱՆԸ
Սոլովյովի «բարեկամությանը»կհավատայի՚եթե նույն փութաջանությամբ արձագանքեր իր ընկեր Ժիրինովսկու հիմար արտահայտությանը՝իր հաղորդման ժամանակ