ՄԻԵԴ-ը մերժել է որպես հայցի միջանկյալ միջոց կասեցնելու Սահմանադրական փոփոխությունների իրագործումը: Այս առնչությամբ այսօր ԱԺ փոխնախագահ Ալեն Սիմոնյանը լրագրողների հետ ճեպազրույցում ասաց. «Մենք որեւիցե ակնկալիք չունեինք, որ նման միջոց կկիրառվի, ակնկալիք էլ չունենք, որ որեւէ միջազգային կառույց հակառակ դիրքորոշումը կցուցաբերի»:
Ըստ Ալեն Սիմոնյանի, Հրայր Թովմասյանին մերձավոր ԶԼՄ-ների ցանկությունն է մի փոքր բաժակում փոթորիկ ստեղծել. «Արդեն որերորդ անգամ է՝ գնում են տարբեր տեղերից, դրսից տղա բերելու տրամաբանությամբ՝ լինի դա Բրյուսելից կամ Մոսկվայից: Չի ստացվել ու չի ստացվելու: Եթե Հրայր Թովմասյանը հնարավորություն ունենա իմ հարցազրույցի ժամանակ այստեղ լույսը անջատի, որ չկարողանամ հարցազրույց տամ, ինքը դա կանի, որովհետեւ ինքը դրա փորձն ունի: Ես կոնկրետ բանի հետ կապված եմ ասում, չեմ ուզում մանրամասնել: Ինքը ամեն ինչ կանի, որ կառչած մնա աթոռից»:
Մամուլում, որպես ՍԴ անդամի նոր թեկնածուներ, շրջանառվում են Գագիկ Ջհանգիրյանի, Կարեն Անդրեասյանի անունները: Ալեն Սիմոնյանն ասաց, որ մամուլում զետեղված անունների մեծ մասը չի համապատասխանում իրականությանը. «Այո, քննարկվում են մամուլում, քննարկվում են զուտ գործընկերական, բայց պետք է սպասենք, տեսնեն նախագահը, նաեւ ԲԴԽ-ն ինչ թեկնածու կառաջարկեն ու կառաջադրեն: Այդ անունների հետ կապված 99 տոկոսը մամուլից ենք իմանում ու չեմ կարծում, որ կարող են դրանք ռեալ լինել»:
Կարդացեք նաև
Հռիփսիմե ՋԵԲԵՋՅԱՆ
