Առողջապահության համաշխարհային կազմակերպությունն ընդունել է՝ կան ապացույցներ առ այն, որ կորոնավիրուսի ամենամանր մասնիկները կարող են տևական ժամանակ մնալ օդում և այսպիսով փոխանցվել մարդկանց օդի միջոցով:
Ինչպես հաղորդում է BBC-ն, մինչև հիմա կազմակերպությունը վարակի տարածման հիմնական միջոց համարում էր խոշոր մասնիկները, որոնք արտանետվում են փռշտալու և հազալու ժամանակ: Այդ մասնիկները կարող են մնալ մակերևույթների վրա, ինչով էլ պայմանավորված է ձեռքերը հաճախակի լվանալու հորդորը:
Ավելի վաղ շուրջ 200 գիտնականներ նամակ էին հղել ԱՀԿ-ին՝ մեղադրելով, որ կազմակերպությունը թերագնահատում է վիրուսի տարածման օդային ճանապարհով փոխանցման հնարավորությունը: Իսկ այժմ ԱՀԿ-ի տեխնիկական հարցերով փորձագետ Բենեդեթա Ալեգրանցին անձամբ է հայտարարել, որ չի կարելի անտեսել օդի միջոցով վիրուսի փոխանցման հնարավորությունը համավարակի դեմ պայքարի շրջանակներում:
Նրա խոսքով՝ առկա տվյալները չեն բացառում հավանականությունը, որը օդի միջոցով փոխանցվող մասնիկները կարող են դառնալ վարակի աղբյուր հատկապես մարտադաշտ վայրերում, ինչպես նաև փակ և վատ օդափոխվող տարածքներում:
Կարդացեք նաև
Միևնույն ժամանակ ԱՀԿ-ի ներկայացուցիչները նշում են, որ վիրուսի օդային ճանապարհով փոխանցման ապացույցները նախնական են և հավելյալ ստուգման կարիք ունեն:
Պատրաստեց` Վիկտորյա ԱՆԴՐԵԱՍՅԱՆԸ
