Ինչպես տեղեկացրել ենք, կորոնավիրուսով հիվանդացել էին Գյումրիի շուրջօրյա խնամքի կենտրոնի՝ ծերերի տուն-ինտերնատի 55 շահառուներ և 12 աշխատակիցներ։
Շահառուներից 37-ը տեղափոխվել էին տարբեր հիվանդանոցներ՝ Գյումրու ինֆեկցիոն հիվանդանոց, Սպիտակի բժշկական կենտրոն ու մայրաքաղաք։ Արձանագրվել էր նաև մեկ մահվան դեպք։
Այսօր հայտնի դարձավ, որ մահացել են ևս երկու շահառուներ։ Մեր տեղեկություններով, նրանք ևս մահացել են Սպիտակի բժշկական կենտրոնում, որը մեկ ամիս առաջ վերապրոֆիլավորվելուց հետո զբաղվում է նաև Covid-ով հիվանդների բուժմամբ։ Գյումրու ծերանոցի բնակչներից մահացողների թիվը փաստացի դարձավ երեք։
Գյումրու ծերանոցի սպասարկումը իրականացնող Հայկական Կարմիր Խաչի լրատվական և լուսաբանման բաժնի վարիչ Նունե Գրիգորյանը հաստատեց մեր այս տեղեկությունը՝ նշելով, որ նրանք ունեցել են ուղեկցող ծանր հիվանդություններ։
Կարդացեք նաև
Նունե ԱՐԵՎՇԱՏՅԱՆ
