ԱԺ արտահերթ նիստում այսօր քննարկվում է «Իմ քայլի» պատգամավոր Սոֆյա Հովսեփյանի հեղինակած՝ «Զինվորական ծառայության եւ զինծառայողի կարգավիճակի մասին» օրենքում լրացումների օրինագիծն առաջին ընթերցմամբ ընդունելու մասին հարցը: Օրինագիծը սահմանում է զոհված զինծառայողի ծնողի եւ ամուսնու (կնոջ) անվճար կրթություն ստանալու հնարավորությունը:
Սոֆյա Հովսեփյանը զեկուցեց, որ գործող օրենքը նախատեսում է՝ առաջին եւ երկրորդ կարգի զինհաշմանդամություն ունեցողների եւ մինչեւ 27 տարեկան մահացած զինծառայողների երեխաների կրթության բեռը պետությունն իր վրա է վերցնում, սակայն բաց կա. «Եթե զոհվածի ծնողը, կինը կամ ամուսինը ցանկություն ունենան սովորելու, դժվարություն կունենան, պետությունն այդ բեռն իր վրա չի վերցնում: Միայն դիմումի հիման վրա բուհն իր հայեցողությամբ կարող է զեղչ անել: Այս քաշքշուկից խուսափելու համար օրինագծով առաջարկում ենք, որ նշյալ խմբի անձինք ունենան բարձրագույն կրթություն ստանալու, եւ հետագայում՝ նաեւ աշխատանքի անցնելու հնարավորություն»:
«Իմ քայլի» պատգամավոր Հովհաննես Հովհաննիսյանը համոզմունք հայտնեց, որ այս օրինագիծն օրակարգային է զոհված զինծառայողների այրիների համար, որոնք անչափահաս երեխաներ ունեն:
Կարդացեք նաև
Լուիզա ՍՈՒՔԻԱՍՅԱՆ
