«ՏՄՊՊՀ-ն հարցաշար էր ուղարկել ԶԼՄ-ներին՝ իրենց գովազդների եւ ծառայությունների վերաբերյալ: Կմանրամասնե՞ք, թե այդ հարցաշարերի նպատակը որն է»,-ԱԺ արտահերթ նիստում այսօր կառավարության կողմից ՏՄՊՊՀ անդամի թեկնածու առաջադրված Կարեն Սեդրակյանից հետաքրքրվեց «Լուսավոր Հայաստանի» պատգամավոր Անի Սամսոնյանը:
«2019թ-ին գովազդային շուկայի հետ կապված տարբեր բողոքներ ենք ունեցել, բայց ամբողջական ուսումնասիրություն չենք կարողացել անել, որովհետեւ շատ նեղ բողոքներ են եղել: Հանձնաժողովը որոշեց, որ 2020թ.-ին գովազդի շուկան անպայման ուսումնասիրի: Հանձնաժողովի աշխատակազմը չափորոշիչներով հարցաշար է կազմել եւ ուղարկել տնտեսվարողներին՝ TV, ինտերնետ, թերթեր…այս պահին ուսումնասիրության փուլում ենք, պատկերը կներկայացնենք: Այն պարունակում է միայն գովազդի շուկայի ուսումնասիրությունը, այլ երեւույթ չկա»,-հայտնեց Սեդրակյանը:
Նա նաեւ նշեց՝ հանձնաժողովը չի որոշել, թե որ ԶԼՄ-ներին է հարցաշար ուղարկվել, այլ աշխատակազմը, ուստի ինքը չի կարող ասել, թե ինչ սկզբունքներով են ընտրվել ԶԼՄ-ները:
Կարդացեք նաև
Լուիզա ՍՈՒՔԻԱՍՅԱՆ
