Հուլիսի 7-ի գիշերը Բելգրադի կենտրոնում տեղի են ունեցել զանգվածային անկարգություններ այն բանից հետո, երբ Սերբիայի նախագահ Ալեքսանդր Վուչիչը հայտարարել է կորոնավիրուսի դեմ պայքարի շրջանակներում նոր սահմանափակումների մասին: Ինչպես հաղորդում է RIA Novosti գործակալությունը, կան ձերբակալվածներ և վիրավորներ:
Տեղեկության համաձայն՝ մի խումբ ցուցարարներ, ճեղքելով ոստիկանների շարքը, կոտրել են խորհրդարանի դուռը և մտել շենք: Ավելի ուշ ոստիկանները նրանց հեռացրել են շենքից: Ոստիկանությունը կիրառել է արցունքաբեր գազ և այլ հատուկ միջոցներ:
ՆԳՆ-ի գնահատմամբ՝ խորհրդարանի շենքի առաջ հավաքվել էր շուրջ 5000 մարդ: Ձերբակալվածների և տուժածների հստակ թիվը հայտնի չէ:
Ավելի վաղ Սերբիայի նախագահ Ալեքսանդր Վուչիչը հայտարարել էր Բելգրադում հուլիսի 10-ից 13-ը պարետային ժամ սահմանելու մասին համաճարակային իրավիճակի պատճառով:
Կարդացեք նաև
Նշենք, որ Սերբիայում կորոնավիրուսի հաստատված դեպքերի թիվը գերազանցում է 16 հազար 700-ը, վիրուսի հետևանքով մահացել է 330 մարդ:
Պատրաստեց՝ Վիկտորյա ԱՆԴՐԵԱՍՅԱՆԸ
