«Այս պահին այդ նախագիծն առհասարակ հանված է շրջանառությունից, իսկ կգա ԱԺ, թե ոչ, որեւէ մեկը չի կարող սահմանափակել պատգամավորի՝ օրենսդրական նախաձեռնություն ներկայացնելու իրավունքը»,-ԱԺ արտահերթ նիստում այսօր անդրադառնալով «Բարգավաճ Հայաստանի» պատգամավոր Նաիրա Զոհրաբյանի հարցին, թե ինչ եղավ դիմակ չկրելու համար տուգանքի շեմը բարձրացնող օրինագիծը, որը հեղինակել էր «Իմ քայլը, ասաց «Իմ քայլի» պատգամավոր Սիսակ Գաբրիելյանը:
Հիշեցնենք, որ օրինագծով՝ բաց տարածքում դիմակ չկրելու տուգանքը դառնում էր 20000, իսկ փակ տարածքում՝ 50.000 դրամ:
Սիսակ Գաբրիելյանը չբացառեց, որ ապագայում նման օրինագիծ կարող է բերվել ԱԺ, որովհետեւ տարբեր քննարկումներ կան մասնագիտական շրջանակներում. «Մի մասն օրինակ է բերում հարեւան Վրաստանը, որտեղ տուգանքներն ավելի բարձր են, եւ գտնում է, որ դա արդյունավետ է»:
Լուիզա ՍՈՒՔԻԱՍՅԱՆ
