Ազգային Ժողովի «Բարգավաճ Հայաստան» խմբակցության պատգամավոր Գևորգ Պետրոսյանը «Հայելի» մամուլի ակումբում անդրադարձավ Ավան վարչական շրջանի ղեկավարի տեղակալ Ներսես Պողոսյանի հետ համացանցում տարածված հեռախոսազրույցին։
Գևորգ Պետրոսյանը ներկայացրեց կատարվածի մանրամասները․ «Իմ հետևից «Գևորիկ»-ով է ինձ դիմում, բայց զանգում ասում է` Գևորգ ջան, թրթռուն ձայնով։ Եվ ասում է՝ զանգել եմ քեզ, որ ասեմ, որ սրանից հետո Նիկոլ Փաշինյանի և Արարատ Միրզոյանի հետևից բան մի խոսա, արտահայտություններ մի արա։ Էս ո՞ւր եք հասցրել մեր երկիրը»։
Գևորգ Պետրոսյանը շեշտեց, որ Ավան վարչական շրջանի ղեկավարի տեղակալը ասել է, որ իրեն ցուցում է տրված․ «Այդ անբարոյականություն է, որ նա մեր խոսակցությունը ձայնագրել ու գաղտնազերծել է՝ շառը գցելով Ազգային անվտանգության վրա, ասում է՝ Ազգային անվտանգությունն է ինձ ստիպել։ Ես չեմ հավատում, որ մեր Ազգային անվտանգության ծառայությունը նման անխոհեմ քայլի գնար։ Եվ ինձ հետ գալիս նստում է սեղան, հետո այդ խոսակցությունը տանում` հրապարակում է: Սա է Նիկոլ Փաշինյանի իշխանությունը»։
Գևորգ Պետրոսյանի խոսքերով՝ նման բան երբեք չի եղել․ «Բայց օրենքներ չեն կարդում։ Հասկանո՞ւմ եք պատգամավորի գործունեությանը էսպիսի միջամտություն, որ իմ կարծիք հայտնելու իրավունքը գալիս են սաստելու»։
Կարդացեք նաև
Հիշեցնենք նաև, որ Ներսես Պողոսյանը Ժիրայր Սեֆիլյանի գործով մեղադրյալներից է եւ մեղավոր է ճանաչվել Սեֆիլյանի կազմակերպած խմբի կազմում ապօրինի զենք շրջանառելու, Երևանի հեռուստաաշտարակը և զորամաս զավթելու նախապատրաստության համար։
Ամի ՉԻՉԱԿՅԱՆ
