Ադրբեջանում կարանտինային խիստ ռեժիմը երկարաձգվել է մինչև հուլիսի 20-ը՝ պայմանավորված երկրում համաճարակային իրավիճակով: Ինչպես հաղորդում են ադրբեջանական լրատվամիջոցները, բանակը ևս ներգրավվել է կարանտինի հատուկ ռեժիմի պահպանմանը:
«Ադրբեջանի Հանրապետության կառավարությանը կից գործող օպերատիվ շտաբի որոշման համաձայն՝ երկրի տարածքում սոահմանված հատուկ կարանտինային ռեժիմի պահպանման հսկողության և Ներքին գործերի նախարարության աշխատակիցներին օգնություն ցուցաբերելու նպատակով պարեկային աշխատանքներում են ներգրավվել ադրբեջանական բանակի մի քանի ստորաբաժանումներ»,-ասված է երկրի ՊՆ-ի հաղորդագրության մեջ:
Նշենք, որ հուլիսի 2-ի դրությամբ Ադրբեջանում կորոնավիրուսի հաստատված դեպքերի թիվը 18 հազար 684 է, հիվանդության հետևանքով մահացել է 2287 մարդ:
Պատրաստեց՝ Վիկտորյա ԱՆԴՐԵԱՍՅԱՆԸ
