Բենզինի շուկայում վերջին օրերին արձանագրված թանկացումը «Ավտոգազ» ասոցիացիայի նախագահ Մկրտիչ Տիգրանյանը պայմանավորում է նավթի համաշխարհային գների բարձրացմամբ:
Մկրտիչ Տիգրանյանի խոսքով՝ առաջիկայում բենզինի օրինակին կհետևի նաև ավտոգազը. վարորդները ստիպված կլինեն այլևս ավելի վճարել ոչ միայն բենզինի, այլ նաև սեղմված և հեղուկ գազի դիմաց:
Թե ավտոգազի պարագայում թանկացումը որքան կկազմի՝ մեր զրուցակիցը չի շտապում կոնկրետ թիվ հայտարարել՝ ընդգծելով, որ դրա համար մի փոքր ժամանակ է հարկավոր՝ հասկանալու, թե Հանրային ծառայությունները կարգավորող հանձնաժողովի (ՀԾԿՀ)՝ գազը թանկացնելու վերաբերյալ վերջին որոշումն ինչ չափով կազդի այս ոլորտի վրա: Այս ուղղությամբ իրենք առայժմ հաշվարկներ են կատարում, այդ թվում նաև սպասարկման ծախսերի վերաբերյալ:
Հարցին՝ հնարավո՞ր է, որ սեղմված գազի թանկացումն իր հերթին ազդի նաև հանրային տրանսպորտի սակագնի վրա՝ հաշվի առնելով, որ տրանսպորտի զգալի մասը սպառում է սեղմված գազ, Տիգրանյանը պատասխանեց. «Եթե տրանսպորտը չթանկանա, ապա համարեք դա քաղաքական որոշում»:
Կարդացեք նաև
Դիանա ԴԱՎԹՅԱՆ
Հոդվածն ամբողջությամբ՝ «Ժամանակ» օրաթերթի այսօրվա համարում:
