ԱՄՆ Սենատում առաջարկել են պատժամիջոցներ սահմանել ՌԴ նախագահ Վլադիմիր Պուտինի, պաշտպանության նախարար Սերգեյ Շոյգուի և մի շարք այլ բարձրաստիճան պաշտոնյաների դեմ, որոնք, ինչպես ենթադրվում է, պատասխանատվություն են կրում իսլամական ծայրահեղական «Թալիբան» շարժման հետ «դավադրության» համար՝ Աֆղանստանում ամերիկացիների դեմ: Համապատասխան առաջարկով հուլիսի 1-ին հանդես է եկել դեմոկրատ Բոբ Մենենդեսը:
«Կոնգրեսը պետք է կրկին դուրս գա առաջին գիծ և Կրեմլի ագրեսիայից պաշտպանի մեր քաղաքացիներին, իշխանության մարմիններին»,-հայտարարել է Մենենդեսը՝ կոչ անելով չընդունել ռազմական ծախսերի մասին օրինագիծը առանց քննարկելու այս փոփոխությունը և առաջարկելով սառեցնել ԱՄՆ-ում Պուտինի և Շոյգուի ակտիվները, ինչպես նաև արգելել նրանց մուտքը Միացյալ Նահանգներ:
ԱՄՆ ներկայացուցիչների պալատի խոսնակ Նենսի Փելոսին ևս կողմ է արտահայտվել պատժամիջոցներ սահմանելուն: «Պետք է պատժամիջոցներ սահմանենք Ռուսաստանի դեմ, այն էլ անհապաղ»,-ասել է նա:
ՌԴ նախագահի մամուլի խոսնակ Դմիտրի Պեսկովը, մեկնաբանելով Մոսկվայի դեմ պատժամիջոցներ սահմանելու ամերիկացի կոնգրեսականների առաջարկը, մատնանշել է, որ «այժմ Վաշինգտոնում շատ բաներ են տեղի ունենում, որոնք դժվար է բացատրել»:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
