Այսօր կառավարության նիստում ՀՀ ոստիկանապետ Վահե Ղազարյանը ներկայացրեց Համաճարակային կանոնների պահպանման իրավիճակը: Ըստ ոստիկանապետի, հուլիսի 1-ի դրությամբ կազմվել է 2827 արձանագրություն, որից Երեւան քաղաքում՝ 1198, մարզերում՝ 1629:
«Արձանագրություններից 2301-ը վերաբերում է հետիոտնի կողմից դիմակ չկրելուն, 70-ը՝ անձը հաստատող փաստաթղթի բացակայության, 10 արձանագրություն էլ կազմվել է տաքսի ավտոմեքենայի վարորդների կամ ուղեւորների կողմից դիմակ չկրելու համար: 442-ը՝ մինչեւ 7 տեղ մեքենաների ուղեւորների եւ վարորդների կողմից դիմակ չկրելուն է վերաբերում, 3-ը՝ տնտեսական գործունեության իրականացնող սուբյեկտների կողմից խախտումներ թույլ տալուն եւ մեկը՝ ինքնամեկուսացման կանոնները խախտելու համար»,-ասաց Վահե Ղազարյանը:
Տեսչական մարմինների աշխատանքների համակարգման գրասենյակի ղեկավար Արթուր Ասոյանը նշեց, որ երեկվա տվյալներով 884 ստուգում է իրականացվել եւ 40 տնտեսվարողի մոտ խախտումներ են արձանագրել: Պարոն Ասոյանը նշեց, որ այդ առումով դրական դինամիկա կա, քանի որ նախկինում 200-300 խախտումներ էին արձանագրվում: Բայց, նրա խոսքով, խախտումները շարունակվում են տրանսպորտի ոլորտում. «Դրանք վերաբերում են նրան, որ վարորդները սահմանված քանակից ավելի ուղեւորներ են տեղափոխում: Մնացած պահանջները՝ ալկոգելի առկայությունը, գծանշումները կիրառելի են դարձել»:
Կարդացեք նաև
Լուսինե ԲՈՒԴԱՂՅԱՆ
