«Մեր գլխավոր խնդիրը միշտ պետք է լինեն բանակը, պաշտպանության եւ մարտունակության աստիճանը: Իհարկե, այս կարճ ժամանակում հանդիպումներ եմ ունեցել ՊՆ-ի հետ, այցելել առաջնագիծ: Բանակը լինելու է իմ ուշադրության կենտրոնում՝ անկախ իմ պաշտոնից, հնարավորություններից եւ դիրքից: Բոլորս պետք է գիտակցենք, որ մեր ապագան բանակով է պայմանավորված»,-ֆեյսբուքյան ուղիղ միացմամբ այսօր ներկայացնելով 2020-25թթ. համար նախատեսված ծրագրերը՝ ասաց Արցախի նախագահ Արայիկ Հարությունյանը:
«Ծրագրել ենք մի շարք աշխատանքներ, որոնք չեմ ուզում հանրայնացնել, բայց ամեն օր ու ամեն ժամ պետք է բարձրացնենք մեր մարտունակության աստիճանը: Ամիսներ հետո՝ մեկ, երկու տարի հետո, մենք լուրջ առաջընթաց ենք գրանցելու այդ ուղղությամբ: Վերջին 2-3 տարիներին ինչ-որ տեսել եք բանակի մարտունակության, սոցիալական պայմաններին վերաբերող, դա շարունակվելու է»,-վստահեցրեց Արայիկ Հարությունյանը:
Լուիզա ՍՈՒՔԻԱՍՅԱՆ
