Նախագահի որոշման պատճառները պետք է ճշտել նախագահականից, ես այս առումով ենթադրություններ չեմ անելու։ Այս մասին «Ա1+»-ի հետ զրույցում նշեց «Իմ քայլը» խմբակցության պատգամավոր Սուրեն Գրիգորյանը՝ անդրադառնալով նախագահ Արմեն Սարգսյանի այն հայտարարությանը, թե «Սահմանադրական դատարանի մասին» սահմանադրական օրենքում փոփոխություններ և լրացումներ կատարելու մասին օրենքը հարակից օրենքով իր կողմից չեն ստորագրվելու։
Ինչ վերաբերում է օրենքի ուժի մեջ մտնելու գործընթացին, Գրիգորյանն ասաց՝ Սահմանադրությամբ այս հարցը կարգավորված է․
«Սահմանադրության 129-րդ հոդվածը ասում է՝ նախագահը կամ ստորագրում է կամ դիմում է Սահմանադրական դատարան։ Եթե չի ստորագրում և չի դիմում Սահմանադրական դատարան, Ազգային ժողովի նախագահը 5-օրյա ժամկետում ստորագրում և հրապարակում է օրենքը»։
Նյութն ամբողջությամբ՝ սկզբնաղբյուր կայքում:
