«Դուք գիտեք, որ ուժային կառույցները որպես կանոն աշխատում են փակ ռեժիմով և, ըստ էության, դա խանգարում է, որպեսզի նրանց վերահսկողությունը լինի ավելի ընդգրկուն եւ թափանցիկ: Հայաստանում տեղի ունեցած հեղափոխությունից հետո, այնուամենայնիվ, մենք ազատորեն խոսում ենք առկա մարտահրավերների մասին եւ միջազգային գործընկերների հետ ակտիվ համագործակցության շրջանակներում փորձում ենք գտնել Հայաստանի համար լավագույն լուծումները: Դրա մասին են փաստում միջազգային հասարակական կազմակերպություններից ստորագրված հուշագրերը եւ ԵԱՀԿ-ի հետ համատեղ ձեւավորած ժողովրդավարական ազգային պլատֆորմը: Հատկապես վերջինի շարունակական համագործակցության ընթացքում լուծվելու են համակարգային բազմաթիվ խնդիրներ: Նշեցի, որ պլատֆորմի այս տարվա մեր ծրագրերի մեջ կայացած ամենակարեւոր ձեռքբերումներից եմ ես սա համարում: Թափանիվը սկսել է պտտվել եւ դա մեզ հնարավորություն է տալիս ընդգրկել նոր ուժերի, հասարակական կազմակերպությունների եւ բացառել ֆեյքերի մասնակցությունը մեր հանրային կյանքի ճիշտ օրակարգ ձեւավորելու:
Հասկանալի է, որ ուժային կառույցների վերաբերյալ ամբողջական ծավալով տեղեկատվություն հասարակության համար չի կարող հրապարակային լինել: Սակայն բարձր լեգիտիմություն ունեցող պառլամենտների պարագայում իրողությունն այլ է եւ գաղտնիության ռեժիմն էլ պետք է հիմնված լինի օրինականության, խելամտության եւ համաչափության սկզբունքների կիրառման վրա», – ասաց ԱԺ պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը «Անվտանգության ոլորտի կառավարումը Հայաստանի փոխակերպման համատեքստում» վեբինարում:
Անդրանիկ Քոչարյանն այս առումով նաեւ կարեւորեց սահմանադրական բարեփոխումները, ինչը ըստ նրա հնարավորություն է տալիս վերանայել, ընդլայնել խորհրդարանական վերահսկողության գործիքակազմը:
Կարդացեք նաև
Աշոտ ՀԱԿՈԲՅԱՆ
