Քաղաքական երեք ուժերի՝ ՀՀ գլխավոր դատախազություն հանցագործության մասին հաղորդումը հանձնելուց հետո, ՀՅԴ Հայաստանի Գերագույն մարմնի անդամ Լիլիթ Գալստյանը ԶԼՄ-ներին ասաց. «Անցնող մեկուկես տարիների ընթացքում տարբեր քաղաքական ուժեր իրենց քաղաքական գնահատականն են տվել այն իրականությանը, երեւույթներին կամ զավթողական այն վերաբերմունքին, որ պատրաստվում է Հայաստանի դատական իշխանության նկատմամբ: Սկսած դատարանների արգելափակման՝ Նիկոլ Փաշինյանի կոչից եւ վերջացրած հետագայում ամբողջ վարքագծով: Տրված քաղաքական գնահատականներն ունեն նաեւ իրավական արժեք, իրավական նկարագրություն: Ինչպես ասվեց՝ երեք դրվագով՝ իշխանության զավթում, լիազորությունների անցում եւ սահմանադրական կարգի տապալում:
Քաղաքական գնահատականներին հաջորդում են իրավական գնահատականները, եւ մենք լիահույս ենք, որ դատախազությունը եւ իրավապահ մարմինները օբյեկտիվության եւ իրենց լիազորությունների սահմաններում կքննեն մեր հաղորդումը»:
Աշոտ ՀԱԿՈԲՅԱՆ
