Այսօր ԱԺ պատգամավորների նախաձեռնությամբ արտահերթ նստաշրջան էր հրավիրվել, որի ժամանակ քննարկվեց ԱԺ-ի 2020-ի փետրվարի 6-ի Սահմանադրության փոփոխությունների նախագիծը հանրաքվեի դնելու որոշումը ուժը կորցրած ճանաչելու մասին հարցը: Հիմնական զեկուցող Վահագն Հովակիմյանը պարզաբանեց, որ փաստացի նման փոփոխություն նախատեսող «ԱԺ կանոնակարգ» օրենքի դրույթն ուժի մեջ է մտել հունիսի 25-ից:
Իմքայլական Սուրեն Գրիգորյանը պատասխանեց այն քննադատություններին, որ այս օրերին հնչում են. «Մեզ ասում են՝ բա դուք չէի՞ք ասում, որ հանրաքվեն լավագույն ճանապարհն է: Մենք չենք հրաժարվել այն մտքից, որ հանրաքվեն իրոք լավագույն ճանապարհն է, բայց այն մարդիկ, ովքեր հարցնում են, թե ինչու այս պայմաններում չէր կարելի հանրաքվե անել, երեւի ուղղակի տեղյակ չեն, թե ՀՀ-ում ինչ է կատարվում, կամ ուղղակի ձեւացնում են»:
ԱԺ արտահերթ նիստում քննարկված նախագծերը դրվեցին քվեարկության ու ընդունվեցին: Դեմ էր միայն Արման Բաբաջանյանը:
Կարդացեք նաև
Քվեարկությամբ ուժը կորցրած ճանաչվեց նաեւ Սահմանադրական փոփոխությունների նախագիծը հանրաքվեի դնելու մասին որոշումը:
3 ժամ ընդմիջումից հետո այսօր կլինի նաեւ նախագծերի երկրորդ ընթերցումը:
Հռիփսիմե ՋԵԲԵՋՅԱՆ
