Ֆրանսիայի նախկին վարչապետ, նախագահի նախկին թեկնածու Ֆրանսուա Ֆիյոնը 5 տարվա ազատազրկման է դատապարտվել՝ պետական միջոցները վատնելու համար: Ֆիյոնի կինը դատապարտվել է 3 տարի պայմանական ազատազրկման՝ մասնակցության և պետական միջոցների ծախսերը թաքցնելու մեղադրանքով: Բացի այդ ամուսիններից յուրաքանչյուրը որպես տուգանք պետք է վճարի 375 հազար եվրո: Դատարանը վճռել է, որ Ֆիյոնն իր կնոջը չկատարված աշխատանքի դիմաց վճարել է 831 հազար եվրո: Փաստաբանները հայտարարել են, որ բողոքարկելու են վճիռը:
Հիշեցնենք, որ Ֆրանսիայի նախկին վարչապետի անվան շուրջ սկանդալը ծագել էր 2017 թվականին՝ նախագահական ընտրությունների քարոզարշավի ժամանակ, երբ մամուլը գրեց, որ Ֆիյոնի կինը 1998-2002 թթ. Ազգային ժողովում ձևակերպված է եղել որպես իր ամուսնու օգնական և վճարվել է պետական բյուջեից չկատարված աշխատանքի դիմաց:
Պատրաստեց` Վիկտորյա ԱՆԴՐԵԱՍՅԱՆԸ
