Վարչական իրավախախտումների ընթացակարգերով մոտենում է այն ժամկետը, որ հակահամաճարակային կանոնները խախտելու համար տուգանքներն արդեն պետք է սկսեն բռնագանձվել:
Այս մասին պարետատան նիստից հետո ճեպազրույցում ասաց վարչապետ Նիկոլ Փաշինյանը: Նա հայտարարեց՝ քննարկվում է օրենսդրական այնպիսի փոփոխություն, որով տուգանքի նշանակման եւ դրա բռնագանձման ժամկետը առավել կկրճատվի:
«Այս միջոցներին գնում ենք ոչ թե տուգանելու համար, այլ մենք պարզապես ուզում ենք ասել, որ մեզանից յուրաքանչյուրն ունի չտուգանվելու հնարավորություն եւ երաշխիք՝ հակահամաճարակային կանոնները պահպանել»,-ասաց վարչապետը:
Նիկոլ Փաշինյանի խոսքերով՝ դիմակների կրելը շատերը դեռ ընկալում են որպես չվարակվելու միջոց. «Այդ տրամաբանության մեջ, նրանք իրենց անփութությունը կամ կանոններին չհետեւելը փորձում են ներկայացնել որպես անձն իր նկատմամբ ցուցաբերած անփութություն: Բայց դիմակները ավելի շատ պաշտպանում են դիմացինին»:
Կարդացեք նաև
Նելլի ԲԱԲԱՅԱՆ
