Աշխարհի առաջին ռակետ, հայտնի թենիսիստ Նովակ Ջոկովիչը վարակվել է կորոնավիրուսով: Կորոնավիրուսի թեստը դրական է եղել նաև նրա կնոջ մոտ, երեխաների մոտ վիրուս չի հայտնաբերվել: Այս մասին ասվում է Ջոկովիչի հայտարարության մեջ:
«Շատ եմ ցավում վարակման յուրաքանչյուր առանձին դեպքի համար: Հույս ունեմ, որ որևէ մեկի առողջական վիճակը չի վատթարանա և ամեն ինչ լավ կլինի: Մեկուսացման մեջ եմ լինելու առաջիկա 14 օրը, հինգ օր անց նորից թեստ եմ հանձնելու»,-ասվում է հայտարարության մեջ:
Կորոնավիրուս է հաստատվել նաև թենիսիստներ Բորա Չորիչի և Գրիգոր Դիմիտրովի մոտ: Մարզիկները մասնակցել են Adria Tour ցուցադրական մրցաշարին, որը կազմակերպել էր Ջոկովիչը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
