Հայաստանում Վարչական դատարանը պաշտպանել է կրոնի ազատության իրավունքը: Դատարանը քննել է ոստիկանության աշխատակից Էդգար Կարապետյանի հայցը, որն աշխատանքից ազատվել էր կրոնական խմբավորման անդամ լինելու համար: Դատարանն անօրինական է ճանաչել գործատուի որոշումը և վճռել, որ Կարապետյանը պետք է վերադառնա իր աշխատանքին: Բացի այդ դատարանը որոշել է, որ Կարապետյանը պետք է փոխհատուցում ստանա՝ սկսած 2018թ. հարկադիր պարապուրդի համար:
Ինչպես հաղորդում է ADF International-ը, այս գործը կարող է նախադեպ լինել և ազդեցություն ունենալ երկրի պետական ծառայողների կրոնական ազատության վրա:
ADF International-ի իրավական հարցերով աշխատակից Լիդիա Ռիդերը կարծում է, որ ոչ մեկ չպետք է ընտրություն կատարի իր մասնագիտության և հավատքի միջև: Նրա խոսքով՝ դատարանի այս վճիռը դրական քայլ է՝ ուղղված Հայաստանի պետական ծառայողների իրավունքների պաշտպանությանը՝ կրոնական համոզմունքներն արտահայտելու հարցում:
Ըստ տեղեկության՝ Էդգար Կարապետյանը ոստիկանական համակարգում ծառայել է 2001թ., նա արժանացել է մի շարք մրցանակների: 2018թ. վերջին աշխատանքից ազատվել է Ավետարանական եկեղեցու անդամ լինելու համար: Նրան ասել են, որ կարող է շարունակել աշխատել ոստիկանական համակարգում, եթե հրաժարվի հավատքից: Կարապետյանը մերժել է և արդյունքում հեռացվել աշխատանքից:
Կարդացեք նաև
Չնայած կրոնի ազատության իրավունքն ամրագրված է ՀՀ Սահմանադրությամբ, փոքրամասնությունների կրոնները կարող են դժվարությունների բախվել և համարվել «աղանդ», հաղորդում է ADF International-ը
Պատրաստեց՝ Վիկտորյա ԱՆԴՐԵԱՍՅԱՆԸ
