«Մեծ պատիվ է մեզ համար հյուրընկալվել Հայաստանում և կարողանալ աջակցել Հայաստանին կորոնավիրուս համաճարակի համատեքստում»,- պարետատան նիստից հետո ճեպազրույցի ընթացքում ասաց նախորդ շաբաթ Ֆրանսիայից ժամանած բժշկական խմբի ղեկավար, Փարիզի հիվանդանոցի ռեանիմատոլոգ, պրոֆեսոր Ալեքսանդր Մինյոնը։
Նա նշեց, որ որքան հնարավոր է Ֆրանսիայից ժամանած բժիշկները կարողացան օգնել և կիսվել իրենց գիտելիքներով իրենց հայ գործընկերների հետ․ «Առավել ևս, իմ պատվիրակության ներքո, որը բաղկացած էր 10 հոգուց, ոչ ոք հայ չէր։ Բայց կարծում եմ, որ բոլորը շատ հայեցի մոտեցան հարցին և կարծում եմ, որ յուրաքանչյուր ոք հայի արյան ինչ-որ մի նշույլ ունի իր արյան մեջ։ Հաջորդ առաքելությունը Երևան կժամանի եկող չորեքշաբթի։ Այս անգամ այս առաքելության շրջանակներում ներգրավված կլինեն հայկական սփյուռքից մեծ քանակությամբ մասնակիցներ, որոնք շատ ուրախ են Հայաստան ժամանելու համար և որ կարող են օգնել»։
Ալեքսանդր Մինյոնը հորդորեց հետևել հակահամաճարակային բոլոր կանոններին․ «100 նոր վարակվածները նպաստում են նրան, որ 15 մարդ հոսպիտալացվի, որից 5-ը անպայման կգտնվի ռեանիմացիայում և 2-ը կմահանան։ Այդպես է դինամիկան։ Հայաստանում ինձ հանդիպած բոլոր բժիշկները իսկապես մեծ տպավորություն թողեցին ինձ վրա։ Նրանք շատ հոգնած են, արդեն իսկ ուժասպառ են, բայց այդուհանդերձ օրնիբուն աշխատում են, աշխատում են գիշերուզօր և աշխատում են համերաշխության համատեքստում»։
https://www.facebook.com/nikol.pashinyan/videos/259075122184010
Կարդացեք նաև
Ամի ՉԻՉԱԿՅԱՆ
