Թուրքիայի ներքին գործերի նախարարությունը նոր տիպի կորոնավիրուսի դեմ պայքարի շրջանակներում երկրի բոլոր նահանգներում այսուհետև կիրառելու է վարչական տուգանքի մեխանիզմ, բոլոր այն քաղաքացիների նկատմամբ, ովքեր տնից դուրս գալիս չեն կրի բժշկական պաշտպանիչ դիմակ։
Այդ մասին համապատասխան հրահանգավորումներն արդեն ուղարկվել են բոլոր նահանգապետարաններին:
Դիմակ կրելը Թուրքիայում պարտադիր է դառնում այսօրվանից՝ հունիսի 22-ից։ Օրենքի պահանջը խախտողները կտուգանվեն 900 թուրքական լիրայով, կամ ավելի քան 130 դոլարով։
Նախքան այդ, Թուրքիայի իրավապահները 4 օր շարունակ հանրությանը զգուշացրել և իրազեկել են, որ կիրառվելու է դիմակ դնելու պարտադրանք։
