Տղամարդկանց թենիսի մրցաշրջանը կվերսկսվի օգոստոսի 14-ին:
Իսպանական Marca-ն տեղեկացնում է, որ պրոֆեսիոնալ թենիսիստների ասոցիացիան հաստատել է COVID-19 համավարակի պայմաններում անցկացվելիք մրցաշարերի բժշկական պրոտոկոլը:
ATP մրցաշարերի բոլոր մասնակիցները, ներառյալ խաղացողները, մարզիկները, ֆիզիոթերապեֆտները, մրցավարները եւ կազմակերպիչները, ամեն օր կջերմաչափվեն: Բոլոր նրանց, ում ջերմությունը բարձր կլինի 37,8-ից, չեն թողնի մուտք գործել մրցավայր եւ կուղարկեն կարանտին:
Մրցավայր ժամանելուն պես բոլոր մասնակիցները կորոնավիրուսի թեստ կհանձնեն: Այնուհետեւ գործընթացը կկրկնվի չորս օրը մեկ պարբերականությամբ: Դրական արդյունքի դեպքում հիվանդացածի հետ շփված բոլոր անձինք կթեստավորվեն երկու օրը մեկ:
Կարդացեք նաև
ATP-ն նաեւ հորդորում է բոլոր թենիսիստներին COVID-19-ի թեստ հանձնել մրցավայր մեկնելուց առաջ:
Աշոտ ՀԱԿՈԲՅԱՆ
