Ազգային ժողովն այսօր միաձայն եւ առաջին ընթերցմամբ ընդունեց սահմանադրական փոփոխությունների օրինագիծը: «Կողմ» էր քվեարկել 89 պատգամավոր:
Հիշեցնենք, որ «Իմ քայլի» նոր օրինագծով՝ 12 տարի պաշտոնավարած ՍԴ դատավորները պետք է դադարեցնեն պաշտոնավարումը, իսկ օրինագծի ուժի մեջ մտնելու արդյունքում ՍԴ գործող նախագահ Հրայր Թովմասյանի լիազորությունները դադարեցվելու են: ԵԽ Վենետիկի հանձնաժողովն այս օրինագծի վերաբերյալ այսօր է կարծիք հրապարակել:
Օրինագծի երկրորդ եւ ամբողջական ընթերցումը պետք է կայանա այսօր՝ ժամեր անց:
Նշենք, որ օրինագծի քննարկմանը եւ քվեարկությանը մասնակցեց միայն «Իմ քայլը» խմբակցությունը: ԲՀԿ-ն այսօր հայտարարել էր քաղաքական բոյկոտի մասին, իսկ «Լուսավոր Հայաստանն» առավոտյան ակնարկեց, որ չի ցանկանում նիստին մասնակցել՝ օրինագծի հետ կապված մի շարք նկատառումներ հաշվի առնելով:
Կարդացեք նաև
Լուիզա ՍՈՒՔԻԱՍՅԱՆ
