Չնայած սահմանափակումներին, այդուհանդերձ համաճարակային կանոնների խիստ պահպանմամբ, «Լույսը» Քյոլնից փայլեց իր ողջ հմայքով։
«Լույս» նվագախմբի և գերմանական քյոլշ-ռոք «Բրինգս» բենդի համատեղ աշխատանքի արդյունքում ծնվեց մի հրաշալի ստեղծագործություն։ Լույս տեսավ „Wat söke uns Dräum“ «Ի՞նչ կը փնտրեն մեր երազները» երգը, հեղինակ ՝ Ռոլլի Բրինգս, դիրիժոր՝ Արտակ Ոսկանյան։ Երգը կատարյալ է դարձնում հայկական դուդուկի նվագակցությունը։ Ծիրանափողի հնչյունները՝հայի հոգու ձայնը, և հուզեց, և գրավեց ինչպես մեր հայրենակիցներին, այնպես էլ գերմանացիներին։
Նախագծի 100 մասնակիցները՝ «Լույս» նվագախումբը, 4 երգչախմբերը, ինչպես նաև «Բրինգս» բենդը՝ Արտակ Ոսկանյանի ղեկավարությամբ, հիանալի կատարեցին իրենց վրա դրված բարդ աշխատանքը։
Միջմշակութային այս համագործակցության նպատակը միայն երաժշտությունը չէ, այլ նաև բարեգործական աշխատանքը։ Տեսահոլովակից, երգից ստացված միջոցները, ինչպես նաև հանգանակությունները, կհատկացվեն Արագածոտնի մարզ, Ծաղկաշեն գյուղում գտնվող ավիրված Ս. Աստվածածին եկեղեցու վերակառուցման աշխատանքներին։
Կարդացեք նաև
Շնորհակալություն ենք հայտնում ռեժիսոր՝ Արտակ Զիլֆիմյանին, արհեստավարժ տեսահոլովակը պատրաստելու համար, ինչպես նաև Կարեն Սարգսյանին (նոտացիա), Էմին Բոլբոլյանին (Websupport), Մումեղ Նավոյանին (լուսանկար) ու բոլոր անձերին, որոնք մաս կազմեցին իրականացնել նախագիծը։
«Լույս» նվագախումբ
